មុខងារ​របស់​ Windows 10 ​គួរ​ដឹង

មុខងារ​របស់​ Windows 10 ​លោកអ្នកគួរ​យល់ដឹងកាល​ពី​ចុង​ខែ​មករា​ថ្មី​ៗ​នេះ ក្រុមហ៊ុន Microsoft បាន​ដាក់​បង្ហាញ​នូវ​រូបរាង​ស៊េរី​ថ្មី​របស់ប្រព័ន្ធ​ប្រតិបត្តិការ Windows 10 ដែល​ផ្ដោត​ទៅ​លើ​គោល​ដៅ​ចម្បង​គឺ One Microsoft។​ ជាមួយ​​ដំណឹង​ដែល​គួរ​ឲ្យ​ចាប់​អារម្មណ៍​ជាមួយ Windows ជំនាន់​ថ្មី​នេះ​ មាន​ដូច​ជា៖

• Windows 10 នឹង​អាច​ធ្វើ​ការ​ upgrade ពី Windows 7 និង Windows 8.1/8 ដោយ​ឥត​គិត​ថ្លៃ​សម្រាប់​ឆ្នាំ​ដំបូង
• Windows 10 នឹង​ត្រូវ​បាន​ដាក់​ឲ្យ​ប្រើ​ប្រាស់​នា​ចុង​ឆ្នាំ 2015
• Windows 10 សម្រាប់​ទូរ​សព្ទ (Windows Phone) នឹង​ចាប់​ផ្ដើម​មាន​នៅ​ក្នុង​ខែ​កុម្ភៈ

មាន​ Start Menu​ វិញStart Menu​ មាន​ទម្រង់​ប្លែក​បន្តិច​ ដោយ​ដាក់​បញ្ចូល metro UI របស់​ Windows 8 និង​ Start Menu​ ស៊េរី​ចាស់ រួម​បញ្ចូល​គ្នា។
ជំនួយការសំឡេង​​ពីរោះ (Cortana meets PC)Microsoft បាន​ដាក់​បញ្ចូល​នូវ​ជំនួយ​ការ​ក្នុង​ការ​ស្វែងរក​តាម​រយៈ​ការ​បញ្ជា​ដោយ​ សំឡេង (voice search assistance) ដែល​គេ​ឲ្យ​ឈ្មោះ​ថា Cortana។កម្មវិធី Browser ថ្មី – Spartan Browserជាមួយ​នឹង​កម្មវិធី IE11 របស់ Windows កម្មវិធី Spartan នេះ​នឹង​ក្លាយ​ខ្លួន​ជា​ជម្រើស​ថ្មី​សម្រាប់​ប្រិយ​មិត្ត​របស់​ប្រព័ន្ធ​ ប្រតិបត្តិការ​មួយ​នេះ។ Spartan នឹង​​មាន​មុខងារ​ពិសេសៗ ថ្មីៗ​ដូច​ជា web-page annotation, group tabs together ជា​ដើម ដើម្បី​ប្រកួត​ប្រជែង​ជាមួយ​នឹង​កម្មវិធី Firefox ក៏​ដូច​ជា Google Chrome។
Xbox meets PCលោកអ្នក​នឹង​អាច​​ដំណើរការ​កម្មវិធី​មួយ​ចំនួន​របស់ម៉ាស៊ីន Xbox នៅ​លើ​ឧបករណ៍​នីមួយៗ​ណា​ដែល​ដំណើរការ Windows 10។
Windows 10 សម្រាប់ទូរសព្ទចំណុច​ដែល​ពិសេស​នោះ​គឺ ការ​ជូន​ដំណឹង (notifications) និង​ព័ត៌មាន (information) នឹង​ត្រូវ​បានផ្លាស់​ប្ដូរ​ (sync) ភ្លាម​ៗ​រវាងម៉ាស៊ីន​កុំព្យូទ័រ និងទូរសព្ទ។
Universal appsពេល​នេះ​អ្នក​សរសេរ​កម្មវិធី ឫ​ហៅ​ថា developer អាច​ធ្វើ​ការ​សរសេរ​កូដ​កម្មវិធី app កូដ​ជា​ទូ​ទៅ​មួយ ហើយ​ទទួល​បាន​កម្មវិធី​ដែល​នឹង​ដំណើរ​ការ​​នៅ​លើ​គ្រប់​ឧបករណ៍ ទាំង phones, tablets, PCs សូម្បី​តែ​ម៉ាស៊ីន​លេង​ហ្គេម Xbox One ផង​ដែរ។

ប្រភពមកពី IT CAMBO