ការថតរូប បានក្លាយជាចំណូលចិត្តរបស់យុវវ័យសម័យថ្មី មិនថាដោយការប្រើប្រាស់ទូរស័ព្ទ ឫក៏ម៉ាស៊ីនថតនោះទេ។ ជាមួយគ្នានោះផងដែរ លោកអ្នកអាចនឹងជួបបញ្ហាមួយចំនួនដូចជារូបភាពមានឡើងគ្រាប់ៗ (noise) ឫជាការថតដោយមានលក្ខណៈញ័រ ឫព្រិលជាដើម ។
ប្រសិនបើលោកអ្នកបានថតរូបដែលមានលក្ខណៈព្រិលមិនច្បាស់ដោយអចេតនានោះ លោកអ្នកអាចធ្វើការស្ដារមកវិញ (restore) ដោយប្រើប្រាស់កម្មវិធីជាច្រើន ដូចជា DeblurMyImage, SmartDeblur ឫកម្មវិធី Adobe Photoshop ជាដើម។ ដូចនេះ សូមចាប់ផ្តើមជាមួយ សំបុកអាយធី ទាំងអស់គ្នាដូចតទៅ៖
ជាដំបូង សូមដំណើរការកម្មវិធី Adobe Photoshop CC និងបន្ទាប់មកធ្វើការបើកយករូបភាពដែលមានលក្ខណៈព្រិលរបស់លោកអ្នក។ បន្ទាប់មកសូមធ្វើការបម្លែងរូបភាព ឫ layer នោះជា Smart Object ដោយចុច Filter > Covert to Smart Filters > OK ដើម្បីងាយស្រួលក្នុងការរក្សានូវគុណភាព pixel និងកែតម្រូវមកវិញ ក្នុងករណីដែលចាំបាច់ ។
បន្ទាប់មក លោកអ្នកអាចធ្វើការចាប់ផ្តើមបានហើយ ដោយគ្រាន់តែចុច Filter > Sharpen > Shake Reduction…
សម្គាល់ ប្រសិនបើរូបភាពរបស់លោកអ្នកមានលក្ខណៈព្រិលខ្លាំងនោះ សូមប្រើប្រាស់ Smart Sharpen ជាជំនួយជាមុនសិន ដើម្បីទទួលបានលទ្ធផលកាន់តែប្រសើរឡើង។
បន្ទាប់ពីលោកអ្នកបានចុច Shake Reduction… រួចមក លោកអ្នកនឹងទទួលបានផ្ទាំងដូចខាងក្រោម ដែលកម្មវិធីនឹងធ្វើការវាស់ស្ទង់ (estimate) ដោយស្វ័យប្រវត្តិ ។
លោកអ្នកអាចធ្វើការកែតម្រូវបន្ថែមទៅតាមកម្រិតរបស់រូបភាពរបស់លោកអ្នក ដោយប្រើប្រាស់ option ដែលស្ថិតនៅខាងស្ដាំដៃ រួមមាន
- Blur Trace Bounds ធ្វើការវាស់ស្ទង់កម្រិតព្រិល(មិនជាក់លាក់) មកទីតាំងជាក់លាក់ណាមួយ។ វាជួយឲ្យរូបភាពរបស់លោកអ្នក មានសភាពច្បាស់ជាងមុន ប៉ុន្តែការដែលប្រើចំនួនច្រើនពេកនឹងធ្វើឲ្យមានស្នាមគែមជុំវិញ បែកជាស្រមោលទៅវិញ។
- Source Noise ជួយធ្វើការកាត់បន្ថយគ្រាប់អុជតូចៗ (noise) ពីរូបភាព។ ជាធម្មតា លោកអ្នកគួរក្សាទុកតម្លៃនៃ option នេះ ជា auto ។
- Smoothing ជួយធ្វើឲ្យរូបភាពមានលក្ខណៈ រលោង កាត់បន្ថយស្នាម sharp របស់ blur trace bounds។
- Artifact Suppression ជាសម្រួលរូបភាពដោយធ្វើការកាត់ស្នាមគែមជុំវិញទាំងនោះចេញ។
បន្ទាប់ពីបានលទ្ធផលដែលពេញចិត្តរួមមក សូមចុច OK និងធ្វើការកែសម្រួលបន្ថែមទៀតទៅតាមចំណង់ចំណូលចិត្ត ជាការស្រេច ។
ជាការពិតណាស់ លទ្ធផលដែលទទួលបានពិតជាមិនអាចប្រៀបប្រដូចទៅនឹងរូបភាពដែលមានគុណភាពច្បាស់ល្អនោះទេ ប៉ុន្តែសង្ឃឹមថាអត្ថបទនេះនឹងបានជួយដល់លោកអ្នកមួយផ្នែកក្នុងកាលៈទេសៈដ៏ចាំបាច់ណាមួយ ជាមិនខាន។ កុំភ្លេចចុច LIKE និង SHARE 
0 comments:
Post a Comment