គន្លឹះកាត់រូបកាន់តែលឿនជាមួយ Alpha Channels

Alpha មានតែពីរពណ៌ប៉ុណ្ណោះ គឺ ស និង ខ្មៅ ហើយនេះជាកត្តាមួយជួយសម្រួលដល់អ្នកកែឆ្នៃរូបមានភាពងាយស្រួល និងចំណាយពេលវេលាតិច ។ ប្រសិនបើលោកអ្នកធ្លាប់ធ្វើការកាត់ (Select) ម្តងរួចហើយ លោកអ្នកមិនចាំបាច់ចំណាយពេលកាត់សារជាថ្មីឡើងវិញនោះទេ ប្រសិនបើលោកអ្នកមាន Alpha Channel ក្នុងរូបនោះ ។

ចង់ដឹងថា ធ្វើយ៉ាងណាដើម្បីបានដូចនោះនោះ សូមតាមដានជាមួយ សំបុកអាយធី ដូចតទៅ៖

ជាដំបូង សូមដំណើរការកម្មវិធី Adobe Photoshop របស់លោកអ្នក និងជ្រើសរើសរូប យកមកធ្វើការអនុវត្ត ។ លោកអ្នកអាចប្រើប្រាស់ រូបនេះក៏បាន ។

ឧបមាថា លោកអ្នកចង់កាត់យកតែរូបមនុស្សនៅក្នុងរូបនេះ ។ សូមធ្វើការកាត់ (Select) ទៅតាមវិធីផ្សេងៗរបស់លោកអ្នក ដូចជាប្រើប្រាស់ Lasso Tool ឬក៏ Pen Tool ឬក៏ធ្វើតាម channels ក៏បាន។ ខណៈនេះ សំបុកអាយធី សូមលើកយកការកាត់ (select) តាម channels មកអនុវត្តន៍ ។

នៅលើផ្ទាំង Channels Window សូមធ្វើការ select យក Blue Channel និងធ្វើការ duplicate នូវ Blue Channel ដោយអូស ដាក់លើ icon របស់ create new channel ។

ចំណាំ ប្រសិនបើលោកអ្នកមិនឃើញមានផ្ទាំង Channels Window ទេនោះ សូមចុច Window (menu) > Channels ។

បន្ទាប់មក សូមចុច Image (menu) > Adjustments > Levels… ឬចុច Ctrl+L និងបន្ថែមបន្ថយ ដើម្បីឲ្យពណ៌ខ្មៅ និង ស កាន់តែចែកដាច់ពីគ្នា ។

ចំពោះរូបនេះ បញ្ហានឹងកើតមានឡើងនៅកន្លែងស្លឹកឈើ ដែលមានពណ៌ខ្មៅមកតាម ។ Level ជួយមិនបានទាំងស្រុងនោះទេ ដូចនេះលោកអ្នកនឹងត្រូវប្រើប្រាស់ Tool មួយចំនួន ដូចជា Lasso Tool មកគូសកាត់ត្រង់កន្លែងមិនត្រូវការចេញ (ដូចក្នុងរូប) ។

បញ្ជាក់

ដើម្បីមានពណ៌ដូចរូបខាងក្រោម សំបុកអាយធី បិទភ្នែករបស់ channel Blue copy និងបើក RGB វិញ ប៉ុន្តែឈរ នៅលើ Blue copy channel ដដែល។
Burn Tool (រង្វង់ខៀវ)អាចជួយលោកអ្នក ផាត់ពណ៌ក្រម៉ៅ ឲ្យកាន់តែខ្មៅ ឧទាហរណ៍ ប្រើលើគែមសងខាងរូបមនុស្ស ។

ដោយមាន Foreground ជាពណ៌ស សូមចាក់ទៅលើផ្ទែដែលកំពុង Select នោះ ។

សូមអនុវត្តគំរូ នេះរហូតទទួលបាន ដូចរូបខាងក្រោម ។

ដោយសារតែនៅក្នុង Alpha Channel ពណ៌ខ្មៅ ជាពណ៌ដែលនឹងត្រូវកាត់ចេញ ដូចនេះលោកអ្នកនឹងត្រូវចុច Ctrl+Invert នោះ នឹងបន្ទាប់មកធ្វើការ Select ដោយចុច icon របស់ load select ឬចុច Ctrl+Click ទៅលើ icon របស់ channel Blue copy ក៏បាន ។