របៀបជួយសង្គ្រោះពេលរលាកស្បែកភ្លាមៗ‬

‪#‎របៀបជួយសង្គ្រោះពេលរលាកស្បែកភ្លាមៗ‬
++++++++++++++++++++++++++
+ នៅគ្រប់ករណីទាំងអស់នៃការរលាក លោកអ្នកត្រូវប្រតិបត្ដិជាដំបូងដោយ ៖
- ត្រូវស្រោបទឹកស្អាតត្រជាក់ (មិនមែនទឹកកក) ដើម្បីបន្ថយការឈឺចាប់រយៈពេល 15 នាទី
- ដោះនាឡិកា ចិញ្ចៀន ខ្សែដៃ ឬគ្រឿងអលង្ការ មុនកន្លែងរលាកនោះហើម។
+ បើសិនរលាកធ្ងន់ នោះលោកអ្នកត្រូវតែ៖
- ក្រោយពីស្រោចទឹកដាក់ជនរងគ្រោះដែលរលាកឱ្យដេកផ្ងារ ឬផ្អៀង បើរលាកខ្នង
- គ្របស្បៃស្អាតដែលផ្សើមទឹក រួចដាក់លើកន្លែងរលាក
- រុំកន្លែងរលាក និងក្រណាត់ស្អាត ដោយរឹតមិនឱ្យតឹង
- បញ្ជូនទៅមណ្ឌលសុខភាពជាបន្ទាន់ ដោយតាមដានសញ្ញាស្ហុក(សន្លប់)
- ក្នុងករណីមានសភាពស្ហុក ត្រូវកល់ជើងឱ្យខ្ពស់ជាងក្បាល និងឱ្យទឹកផឹកម្ដងបន្ដិចៗឱ្យបានច្រើនដង។
+ បើសិនរលាកមិនធ្ងន់ លោកអ្នកត្រូវតែ៖
- ក្រោយពីស្រោចទឹក បើសិនគ្មានឡើងពងទឹក ទុកកន្លែងរលាកឱ្យនៅចំហ
- បើមានពងទឹក ធ្វើការរុំថ្នមៗ ដើម្បីការពារកន្លែងពងទឹក
- ត្រួតពិនិត្យសញ្ញាឆ្លងរោគ
- សួរជនរងគ្រោះពីការចាក់ថ្នាំបង្ការតេតាណូស
+ ក្រៅពីនេះលោកអ្នកក៏ត្រូវមានការប្រុងប្រយ័ត្នផងដែរដោយ ៖
- ហាមបំបែកពងទឹក
- ហាមលាបថ្នាំក្រមួន ឬវត្ថុអ្វីដែលមិនមែនជាឱសថវេជ្ជសាស្ដ្រ ដូចជាអំបិល ថ្នាំដុសធ្មេញ អាចម៍គោ ទឹកត្រី ទឹកឃ្មុំ ជាដើម។
ក្នុងករណីដែលលោកអ្នកពុំមានភាពជឿជាក់គ្រប់គ្រាន់ សូមធ្វើយ៉ាងណាដើម្បីបញ្ជូនជនរងគ្រោះមកកាន់មន្ទីរពេទ្យ។
អត្ថបទ៖ cambo-report > Health Cambodia