ការកាត់សក់នៅក្នុង Adobe Photoshop គឺពិតជារឿងមួយដ៏សែនពិបាកសម្រាប់លោកអ្នកដែលទើបតែចេះ Adobe Photoshop ប៉ុន្ដែប្រែជាស្រួលដូចបកចេកក្រោយពេលបានអានអត្ថបទនេះរួច 
។ឧទាហរណ៍ថា លោកអ្នកចង់ធ្វើការកាត់រូបនារីម្នាក់នេះ បញ្ចូលទៅក្នុងរូបបន្ទប់នោះ ជាមួយនឹងសក់បែប sexy របស់គាត់ ដោយលឿន រហ័ស និងមិនស្មុគស្មាញនោះ សូមតានដានជាមួយ សំបុកអាយធី នូវវិធីដ៏ងាយៗ ដូចតទៅ៖
។ឧទាហរណ៍ថា លោកអ្នកចង់ធ្វើការកាត់រូបនារីម្នាក់នេះ បញ្ចូលទៅក្នុងរូបបន្ទប់នោះ ជាមួយនឹងសក់បែប sexy របស់គាត់ ដោយលឿន រហ័ស និងមិនស្មុគស្មាញនោះ សូមតានដានជាមួយ សំបុកអាយធី នូវវិធីដ៏ងាយៗ ដូចតទៅ៖
ជាដំបូង សូមដំណើរការកម្មវិធី Adobe Photoshop និងបើកយករួបភាពឡើងមក។ លោកអ្នកអាចប្រើប្រាស់រូបនេះបាន ដោយទាញយកតាមរយៈទីនេះ ។
ជាមួយគ្នានេះប្រសិនបើលោកអ្នកមិនទាន់មាន Channels Window ទេនោះ សូមចុច Window (menu) > Channels ។
បន្ទាប់មក សូមជ្រើសរើសយក channel ណាដែលមាន contrast ចែកដាច់ពណ៌ ស និងខ្មៅ ខ្លាំងជាងគេ ដែលជាទូទៅគឺជា channel Blue។ បន្ទាប់ពីនោះ សូមធ្វើការ duplicate ដោយចុច right-click > Duplicate Channel… ក៏បាន ឫអូសយកមកដាក់នៅនឹង create new channel (រង្វង់ក្រហមក្នុងរូបខាងក្រោម) ក៏បាន។
បន្ទាប់មកទៀត សូមធ្វើការ invert នូវ channel ដែលទើបនឹងបង្កើតថ្មីនោះ ដោយចុច Ctrl+I ឫក៏ Image (menu) > Adjustments > Invert ។
សូមចំណាំថា ពណ៌ស នៅជាប់ ពណ៌ខ្មៅដាច់។ ដូចនេះសូមប្រើប្រាស់វិធីផ្សេងៗ ដើម្បីចាក់ពណ៌សទៅលើផ្ទៃមុខ និងសរសៃសក់ផ្សេងៗ។ ដើម្បីមានភាពងាយស្រួល សូមប្រើប្រាស់ Lasso tool មកគូសជុំវិញ និងចាក់ពណ៌សបញ្ចូលដោយចុច Alt+Delete។
ដោយសារតែផ្ទៃខាងក្រោយមិនទាន់ចេញជាពណ៌ខ្មៅនោះ លោកអ្នកអាចប្រើប្រាស់ levels មកជួយ ដោយចុច Ctrl+L ឫ Image(menu) > Adjustments > Levels…។
ចំណាំ សូមកុំដាក់ខ្មៅពេករហូតដល់ដាច់សរសៃសក់អស់ ឲ្យសោះ។
បន្ទាប់មកទៀត សូមប្រើប្រាស់ Burn tool មកជួួយ ដោយកំណត់យក Range ជា Shadows និង Exposure ត្រឹមប្រមាណ 8 ទៅ 6% បានហើយ ។
បន្ទាប់មក លោកអ្នកគ្រាន់តែយក burn tool មកគូសកន្លែងផ្សេងៗ ពិសេសត្រង់បណ្តុំសរសៃសក់ ឲ្យខ្មៅជាការស្រេច។ ជាថ្មីម្ដងទៀត កុំគូសដល់ដាច់សរសៃសក់អស់។ ដើម្បីបង្ហាញសរសៃសក់ឲ្យកាន់តែច្បាស់ថែមទៀតនោះ លោកអ្នកអាចប្រើប្រាស់ levels ជាថ្មីម្ដងទៀត ។
បន្ទាប់មក សូមធ្វើការ Ctrl+click ទៅលើ icon របស់ channel នោះ ។
ជាមួួនឹង selection ដែលបានពី channel ថ្មីនោះ លោកអ្នកគ្រាន់តែត្រលប់មក layer window វិញ រួចចុច Add vector mask ជានោះលោកអ្នកនឹងទទួលបានលទ្ធផលដូចខាងក្រោម ។
ដើម្បីបង្ហាញសរសៃសក់បានកាន់តែប្រសើរឡើង សូមអនុវត្តជាបន្តទៀត ដោយបង្កើត Layer មួយថ្មី ដែលចុច Ctrl+Shift+N និងបន្ទាប់មកសូមចុច Ctrl+click នៅលើ icon របស់ mask នោះ។
បន្ទាប់ពីនោះមក សូមចុចលើ Layer ថ្មីនោះ និងធ្វើការចាក់ពណ៌ដូចទៅនឹងសក់នារីនោះ។ រួច សូមចុច Ctrl+D ដើម្បីដោះ select និងបន្ទាប់មកទៀត ចុច Add layer mask ដូចក្នុងរួបខាងក្រោម ។
ជាចុងក្រោយ សូមប្រើ brush tool មកគូសបន្ថែម ជាមួយនឹងពណ៌ស ដោយឈរលើ layer mask ដែលទើបនឹងបានបង្កើតនោះ។ ពេលនោះ លោកអ្នកនឹងទទួលបានសរសៃសក់កាន់តែច្បាស់ឡើងថែមមួយកម្រិតទៀត ជាក់ជាមិនខាន ។
ការកាត់ ឫ select សក់នេះ ពិតជាមានសារៈសំខាន់ណាស់ សម្រាប់អ្នកកាត់តរូបភាព ពិសេសលោកអ្នកដែលកែឆ្នៃរូបថតមង្គលការតែម្ដង ដូចនេះ កុំភ្លេចចុច LIKE និង SHARE
ប្រភពមកពី SOMBOKIT
0 comments:
Post a Comment