Portrait Photography

Portrait Photography

ការថតរូបដែលមាន object តែមួយ ឬច្រើនតែចាប់យកតែមួយជាសំខាន់ជាងគេ មានពន្លឺគ្រប់គ្រាន់ មានទាំង Background, Foreground គឺគេហៅថា Portrait មិនថារូបផ្ដេកឬបជ្ឈរនោះទេ។ ជាទូទៅគេតែងថតរូបមនុស្សម្នាក់ ឬជាក្រុមដែលមិនផ្ដោតទៅលើទេសភាព ឬមជ្ឈដ្ឋាននៅជុំវិញនោះប៉ុន្មានទេ។ គេច្រើនតែថតម៉ូដែលសម្លៀកបំពាក់ តារាបង្ហាញម៉ូត ថតសម្គាល់អត្តសញ្ញាណ បង្ហាញពីសកម្មភាពតួអង្គជាដើម។

ការថតរូបបែប Portrait គេផ្ដោតសំខានទៅលើកម្រិត Aperture។ អ្នកគួប្រើកម្រិត Aperture ក្នុងលេខទាប ដើម្បីបង្កើតនូវ Depth of Field កាន់តែខ្លាំង។ ទន្ទឹមនឹងនោះគេត្រូវតម្លើងល្បឿន Shutter Speed ឲ្យខ្ពស់ដែរជាវាង Motion Blur។ ជាទូទៅការថតរូបបែបនេះ គេតែងប្រើFlash ជំនួយ ដើម្បីរូបមានពន្លឺស្អាត មិនស្រអាប់។ ដើម្បីថតរូប Portrait ឲ្យបានស្អាត និងឆាប់អភិវឌ្ឍន៍ខ្លួនក្នុងជំនាញថតរូបបែបនេះ សូមអ្នកមើលវិធីសាស្ត្រមួយចំនួនដែលអ្នកជំនាញថតរូបល្បីៗលើពិភពលោកបាន និងកំពុងប្រើ។

សមាសភាគនៃពន្លឺ

ដូចបានបញ្ជាក់កាលពីមេរៀនមុនរួចម្ដងហើយ កាមេរ៉ាទាំងអស់ប្រើសមាសភាគពន្លឺដើម្បីចាប់យករូបភាព ឬនិយាយបានថា គូររូបភាពដោយពន្លឺ កាលណាគ្មានពន្លឺគឺ គ្មានអ្វីទាំងអស់។ កាមេរ៉ាធ្វើការស្របទៅនឹងពន្លឺខ្លាំង ឬខ្សោយ ហើយពន្លឺកម្រឹតណាទើបសមល្មម មើលទៅវាដូចជាឆ្លាតណាស់ ក៏ប៉ុន្តែមិនមែនគ្មានកំហុសទាំងអស់នោះដែរ។

គ្មានក្រឹតក្រមណា ដែលកំណត់ថា ត្រូវកមណត់ពន្លឺឲ្យចូលក្នុងកាមេរ៉ាប៉ុណ្ណាៗនោះទេ គឺអាស្រ័យលើពន្លឺនៅទីកន្លែងជាក់ស្ដែង។ អ្នកថតត្រូវចេះប្រមាណពន្លឺដោយខ្លួនឯងប្រសិនអ្នកប្រើ M Mode កាលអាពន្លឺតិចពេក រូបភាពនឹងមានពណ៌ស្រអាប់រៀងខ្មៅ ហើយផ្ទៃខាងក្រោយBlurមិនដាច់ ក៏ប៉ុន្តែបើពន្លឺខ្លាំងពេក រូបភាពនឹងរលាកឆេះបាត់ Contrast។

មុខងារពន្លឺ ដែលត្រូវធ្វើការលើការថតរូប Portrait គឺ Aperture។ ប្រសិនអ្នកដាក់លេខទាប (f/3.5) ហើយតម្លើងShutter ខ្ពស់ (1/250, 1/300) នៅក្នុងស្ថានភាពពន្លឺថ្ងៃ objectនិងមានពន្លឺច្បាស់ល្អ ហើយផ្ទៃខាងក្រោយត្រូវបាន Blur ដាច់មិនមិនយល់។ វិធីសាស្ត្រល្អមួយដែលគេតែងប្រើគឺ អ្នកថតតែងរក Background ដែលមានពន្លឺរៀងខ្លាំងជាងតួអង្គ និងស្ថិតនៅឆ្ងាយពីតួអង្គ ហើយគេប្រើFlashសម្រាប់ជួយផ្ដល់ពន្លឺឲ្យ object វិញ ដោយធ្វើបែបនេះ វាជួយឲ្យតួអង្គកាន់តែផុសឡើងយ៉ាងច្បាស់ (contrast) និងមានពន្លឺសព្វគ្រប់គ្រាន់។

អំពី Aperture

ជាទូទៅរូបភាពPortrait គឺតែផ្ដោតទៅលើObject តែមួយមិនត្រូវការBackground ឬForegroundច្បាស់នោះឡើយ។ បើដូច្នេះគេត្រូវថតរូបជាមួយ Aperture ដែលមានទំហំធំ (f/2.8, f/3.5) សម្រាប់គ្រប់គ្រង Depth of Field ហើយគេអ្នកថតត្រូវកំណត់តម្រូវពន្លឺតាមរយៈ Shutter Speedវិញ។

អ្នកថតមួយចំនួន តែងថត Portrait Mode ហើយទទួលបានរូបភាពល្អគាប់ចិត្ត ចំណែកអ្នកថតរូបខ្លះទៀត គេប្រើ A Mode ដើម្បីថតរូប ព្រោះគេមានឱកាសដើម្បីកំណត់ Depth of Field ។ កាមេរ៉ាមើលទៅហាក់បីដូចឆ្លាតណាស់ ព្រោះវាអាចជួយសម្រួលមុខងារទៅតាមលក្ខខណ្ឌមួយៗដោយស្វ័យប្រវិត្ត។ ចំពោះអ្នកចូលចិត្តប្រើ M Mode វិញគឺត្រូវគិតពីមុខងារទាំង៣ នៃពន្លឺរបស់កាមេរ៉ា កាលណា Aperture ធំទាល់តែ Shutter មានល្បឿនលឿនដែរ ទើអាចសមាមាត្រពន្លឺបានល្អ។

កំណត់ល្បឿន Shutter Speed

ក្នុងលក្ខខណ្ឌថតមួយចំនួន ដែលស្ទើរពន្លឺ អ្នកប្រហែលជាភ្លេចគិតដល់ Shutter Speedអ្នកខំតែទម្លាក់វាឲ្យមកខាងលេខទាបដើម្បីបានពន្លឺគ្រប់គ្រាន់  នៅពេលថតដៃអ្នកមិននឹងទេ ដូច្នេះវាអ្នកធ្វើឲ្យរូបភាពព្រិល មិនមិនច្បាស់។ អ្នកគួររក្សាកម្រិត Shutter Speed យ៉ាងណាកុំឲ្យទាបពេក ដោយមើលទៅលើតួអង្គ ថាតើមានសកម្មភាពនឹង ឬរវាសរវៃ និងអ្នកថតខ្លួនឯងឈរទប់ជំហរឲ្យមាំ។ 1/80, 1/120, 1/125 ទាបល្មមអាច បង្កករូបភាពបាន បើនៅស្ទើរពន្លឺមានតែវិធីមួយទៀត គឺបន្ថែមពន្លឺFlashដើម្បីជួយ។ ប្រសិនអ្នកថតobjectដែលនៅនឹងថ្កល់ ហើយត្រូវប្រើ Shutter Speed ទាប(1/60, 1/40, 1/25…) អ្នកគួប្រើTripod ដើម្បីទប់លំនឹង។ អ្នកអាចដាក់ Stabilizer ដើម្បីជួយទប់លំនឹងរូបផងដែរ ដោយអ្នកអាចស្វែងរកវានៅគល់ Lens ត្រង់ហ្នឹងមានគន្លឹះតូចៗ២ ដូច្នេះអ្នកត្រូវប្រើគន្លឹះតូចខាងក្រោមដូចរុញវាមកខាង [ON]។

កំណត់ ISO

ISO គឺជាំជម្រើសមួយដែលអ្នកត្រូវប្រើវា នៅពេលដែលអ្នកថតនៅក្នុងកាលៈទេសៈខ្សោយពន្លឺ។ អ្នកត្រូវស្វែងយល់ពីប្រភេទកាមេរ៉ាអ្នកផងថា វាមានកម្រឹត ISO ខ្ពស់បំផុតត្រឹមណា ហើយអ្នកចែកវាជា២ចំណែក ដោយពាក់កណ្ដាលមកលេខទាប និងពាក់កណ្ដាលទៅខាងលេខខ្ពស់ (ឧទាហណ៍៖ ISO 100-8000 ចែកជាពីរបាន4000) អ្នកត្រូវកំណត់ថា មិនត្រូវតម្លើងឲ្យលើសពីចំនួនពាក់កណ្ដាលនោះទេ បើដូច្នេះវាអាចឲ្យរូបភាពធ្លាក់គុណភាព។

នៅពេលអ្នកមិនច្បាស់ខ្លួនឯងថា ដៃអ្នកនឹងប៉ុណ្ណា ហើយ object​​ នៅនឹងរហូត ឬមានសកម្មភាពរវាសរវៃយ៉ាងណានោះ អ្នកគួរកំណត់ ISO​ ទុកជំនួយពន្លឺ នៅពេលដែល Shutter មានល្បឿនលឿន។

ជម្រើស Lens

Lens ក៏ជាផ្នែកមួយក្នុងការថតរូបភាពPortraitបានល្អដែរ។​ សម្រាប់អ្នកថតរូបPortrait គួរតែប្រើLensដែលវែង (85 mm, 105 mm, 70-200 mm…) ឬ Macro Lens (50 mm) ដែលមានសមត្ថភាពBlur ផ្ទៃខាងក្រោយ និងទាញតួអង្គឲ្យលេចធ្លោឡើង។ អ្នកគួរដឹងផងដែរថា ការទាញរូបពីចម្ងាយ (Zoom) គឺធ្វើឲ្យ Aperture បើលឡើងធំ ដែលធ្វើឲ្យកម្រិត Depth of Field កាន់តែជ្រៅ។

សម្រាប់អ្នកថតរូប Portrait ចំនុច Camera Angle ក៏ដូចជាផ្នែកមួយក្នុងការទាក់អារម្មណ៍អ្នកមើលផងដែរ។